నేను

ప్రచురించిన సమయం: 10:43:00 AM
|
రాసినవారు: ప్రతాప్
|
వర్గము: కవితలు..

నాలో నేను..
నిత్యం భావ ఝరంపరిలో తడిసి ముద్దై పోతూఉంటాను..
అనునిత్యం అనురాగ శరంపరిలో ఆలంబన పొందుతూఉంటాను..
ఆద్యంతం సంఘర్షణ ఒడిలో స్వాలంబన పొందుతూఉంటాను..

నాతో నేను..
అంతం లేని ఆలోచనల స్రవంతిలో కొట్టుకుపోతూ ఉంటాను..
సొంతం కాని కలల ప్రాకారంలో కొట్టుమిట్టాడుతూ ఉంటాను..
పొంతన కుదరని వాస్తవాల కడలిని ఈదుతూ ఉంటాను..

నాకై నేను..
ఊహల పందిరి వేసే అనుభూతుల్ని నెమరు వేసుకొంటూ ఉంటాను..
ఊసుల రంగవల్లులు వేసే స్వప్నాలని పరికిస్తూ ఉంటాను..
ఉరికే మది తాలూకు రసానుభూతులలో ఓలలాడుతూ ఉంటాను..

వెతుక్కోండి.. -

పరిచయం.. -

ప్రతి ఒక్కరి జీవితంలో ఎన్నో సరదాలు, పరదాలు, జ్ఞాపకాలు, మరచిపోలేని మధురిమలు, అంతఃసంఘర్షణలు..ఇలా ఎన్నో..ఎన్నెన్నో..వాటన్నింటిని జ్ఞప్తికి తేవాలనే చిరు ప్రయత్నం..

గమనిక:ఈ బ్లాగులో అన్ని నా సొంతమే కాదు, కొన్నింటిని సేకరించాను కూడా..నచ్చితే మీ అభిప్రాయాలు తెలియచెయ్యండి.