జాడలు

ప్రచురించిన సమయం: 5:40:00 PM
|
రాసినవారు: ప్రతాప్
|
వర్గము: కవితలు..

నా కన్నుల మాటున దాగిన బాసలు..
నా పెదవుల చాటున చిక్కిన ఊసులు..
నా ఎద సడిలో ఇంకా పురివిప్పని ఊహలు..
నా అంతరంగమధనపు కన్నీటి కలలు..
నా మది నడిసంద్రపు జ్ఞాపకాల అలలు..
నా హృదయ అంతర్వాహినిని తాకే తప్త శిలలు..
నాలో మమేకమై, జీవితాంతం నిలిచే నీ జ్ఞాపకాలు..
నా మనోవ్యధను తీర్చే మలయమారుతపు వీచికలు..
నా గుండె గుప్పిట దాగిన విరహాగ్నిని దాచే కనీనికలు..
నా స్వాప్నికజగత్తులో నాతొ విహరించే నా అభిసారికలు…

అన్నీ నీవే.. అంతా నీ తావే.. అనంతానా నీ జాడే..

వెతుక్కోండి..-

పరిచయం..-

ప్రతి ఒక్కరి జీవితంలో ఎన్నో సరదాలు, పరదాలు, జ్ఞాపకాలు, మరచిపోలేని మధురిమలు, అంతఃసంఘర్షణలు..ఇలా ఎన్నో..ఎన్నెన్నో..వాటన్నింటిని జ్ఞప్తికి తేవాలనే చిరు ప్రయత్నం..

గమనిక:ఈ బ్లాగులో అన్ని నా సొంతమే కాదు, కొన్నింటిని సేకరించాను కూడా..నచ్చితే మీ అభిప్రాయాలు తెలియచెయ్యండి.