నిన్నే తలుస్తున్నా
ఉషఃకాంత ఉషఃస్సులా..
నీరవకాంత నిశ్శబ్దంలా..
తుషారబిందువు స్వచ్ఛతలా..
రేరాజు కిరణాల తీవ్రతలా..
నెలరాజు మోములోని దరహాసంలా..
వసంత కాలపు గడుసుదనంలా..
కోయిల గానంకే పేరు పెట్టేలా..
నేలవంకకు వంక పెట్టేలా..
వున్న నీ సొగస్సు చూసి..
నిద్దురలో కూడా నిను తలచి..
కలలో కూడా నిన్నే పిలిచి..
వుహలలో కూడా నిను వలచి..
వాస్తవాలకు కడగండ్లు మిగిల్చి..
నను నేను మరిచి..
జ్ఞాపకాల దొంతరలో నిను పదిలంగా దాచుకోంటున్నా..
కృష్ణపక్షపు జాబిల్లిలా నిను అపురూపంగా చూసుకొంటున్నా..
